గుంటూరు జిల్లా తాడికొండ నియోజకవర్గం మేడికొండూరు మండలం పేరేచర్ల గ్రామం బుడగ జంగాల కాలనీలో గ్యాస్ సిలిండర్ పేలి 5 పూరిళ్లు దగ్ధం అయ్యాయి. ఎమ్మెల్యే శ్రీదేవి అధికారులను అప్రమత్తం చేసి.. సకాలంలో అగ్నిమాపక సిబ్బందిని ఘటన స్థలానికి చేరేలా చూశారు. పేరేచర్ల బుడగజంగాల కాలనీలో పర్యటించారు. బాధితులకు భరోసా కల్పించారు.
బాధితులకు నిత్యావసర సరకులు అందించి.. వారు తాత్కాలికంగా కమ్యూనిటీ సెంటర్లో ఉండే ఏర్పాటు చేశారు. అగ్ని ప్రమాదంలో ఆశ్రయం కోల్పోయిన వారిని ప్రభుత్వం అన్ని విధాలుగా ఆదుకుంటుందని హామీ ఇచ్చారు. బాధితులకు ప్రభుత్వమే పక్కా ఇళ్లు నిర్మించేలా చూస్తానని చెప్పారు. వారికి ఇబ్బందులు లేకుండా చూడాలని అధికారులను ఆదేశించారు.
ఇదీ చదవండి:
