అక్టోబర్ 15న అబ్దుల్ కలాం స్వస్థలమైన రామేశ్వరం నుంచి ప్రారంభమైన కలాం విజన్ యాత్ర నాలుగు రాష్ట్రాల మీదుగా గుంటూరు జిల్లాలోని చిలకలూరిపేటకు చేరుకుంది. దేశ అభివృద్దిని కాంక్షిస్తూ యువతను చైతన్యపరిచే కార్యక్రమంలో భాగంగా ఈ యాత్రను చేపట్టినట్లు వైబ్రంట్స్ ఆఫ్ కలాం సంస్థ తెలిపింది. కలాం విజన్ యాత్రకు ఎమ్మెల్యే విడదల రజని సంఘీభావం తెలిపారు.
ఈ సందర్భంగా ఎమ్మెల్యే మాట్లాడుతూ.. అబ్దుల్ కలాం దేశ యువతకు ఇచ్చిన సందేశం.. కలలు కనండి వాటిని సాకారం చేసుకోండి అనే విషయాన్ని నేటి యువత గుర్తించాలని ఆమె అన్నారు. అనంతరం కలాం విజన్ యాత్ర పోస్టర్ను ఆవిష్కరించారు. కలాం విజన్ యాత్రకు నాయకత్వం వహిస్తున్న సంస్థ వ్యవస్థాపకులు విజయ్ కలాం, రెండు తెలుగు రాష్ట్రాల కోఆర్డినేటర్లు... తాటిపల్లి సుధీర్, రవిరాజ్, సంస్థ కార్యదర్శులు, తదితరులు పాల్గొన్నారు.
ఇదీచదవండి
