గుంటూరులో వ్యాక్సినేషన్ ప్రక్రియ వేగంగా, ప్రశాంతంగా జరుగుతుందని ఎమ్మెల్యే మద్దాలి గిరిధర్ అన్నారు. మేయర్ కావాటి మనోహర్ నాయుడుతో కలిసి నగరంలోని వ్యాక్సినేషన్ కేంద్రాలను పరిశీలించారు. టీకా కేంద్రాల వద్ద సదుపాయాల గురించి తెలుసుకున్నారు. కేంద్రం వ్యాక్సిన్ పై ప్రత్యేక దృష్టి సారించాలని మేయర్ కోరారు. రాష్ట్రానికి త్వరగా టీకాలు పంపించాలన్నారు.
వ్యాక్సినేషన్ ప్రక్రియలో ఎటువంటి లోపాలు లేకుండా పర్యవేక్షిస్తున్నట్లు మేయర్ కావాటి మనోహర్ నాయుడు తెలిపారు. వ్యాక్సిన్ ప్రక్రియ సరిగ్గా జరగడం లేదని తెదేపా నేతలు ఆరోపించటం సరికాదన్నారు. మంత్రి సీదిరి అప్పలరాజుపైన కేసులు పెట్టే అర్హత ఆ పార్టీ నేతలకు లేదని మండిపడ్డారు. ఉద్దేశ్యపూర్వకంగా పెట్టే కేసులు నిలబడవని పేర్కొన్నారు.
ఇదీ చదవండి:
కొవిడ్‌తో సహజీవనం చేస్తూనే.. యుద్ధం చేయాల్సిన పరిస్థితి: సీఎం జగన్
