కర్నూలు జిల్లా మహానంది మండలం పుట్టపల్లి గ్రామానికి చెందిన వాల్మీకి చక్రపాణి అనే యువకుడు... గుంటూరు జిల్లా నిడబ్రోలు రైల్వేస్టేషన్లో రైలు కింద పడి ఆత్మహత్యకు పాల్పడ్డాడు.
2009 సంవత్సరంలో ఎంఎస్సీ బీఈడీ పూర్తి చేసిన వాల్మీకి... ప్రభుత్వ శాఖల్లో ఉద్యోగం కోసం అనేక పరీక్షలకు హాజరయ్యారు. నిరుపేద కుటుంబం కావడం, ఆర్థిక ఇబ్బందులు తలెత్తటం, ఉద్యోగం రాలేదని మనస్థాపానికి గురై మృతిచెందినట్లు పోలీసులు తెలిపారు. రైల్వే పోలీసులు ఆ మృతదేహాన్ని తెనాలి ప్రభుత్వ వైద్యశాలకు తరలించారు. సంఘటనా స్థలంలో ఓ బ్యాంకుకు సంబంధించి... విరిగిపోయిన ఏటీఎం కార్డులు స్వాధీనం చేసుకున్నారు. వాటి ఆధారంగా కేసు విచారణ ప్రారంభించినట్లు తెలిపారు.
కర్నూలు జిల్లా ప్రగతి గ్రామీణ బ్యాంకులో ఖాతా ఉన్నట్టు పోలీసులు సమాచారం సేకరించారు. బ్యాంకుకు వెళ్లి విచారించగా కర్నూలు జిల్లా పుట్టపల్లి గ్రామానికి చెందిన వాల్మీకి చక్రపాణిగా గుర్తించి కుటుంబసభ్యులు తెలిపగా... వారంతా తెనాలి వచ్చి మృతదేహాన్ని చూసి గుర్తించినట్లు రైల్వే ఎస్సై వెంకటాద్రి తెలిపారు.
ఇదీ చదవండి:
