భార్యను హతమార్చిన భర్త.. పరారీలో నిందితుడు

కట్టుకున్న భర్తే ఆ మహిళపాలిట కాలయముడయ్యాడు. హత్యను ఆత్మహత్యగా చిత్రీకరించే ప్రయత్నం చేశాడు. ఈ ఘటన గుంటూరు జిల్లా మంగళగిరి మండలం ఎర్రబాలెంలో జరిగింది.

గుంటూరు జిల్లా మంగళగిరి మండలం ఎర్రబాలెం పారిశ్రామికవాడలో వెంకటలక్ష్మి అనే మహిళ హత్యకు గురైంది. భర్తే ఆమెను హత్య చేసి గోతిలో పడేశాడు. ఈ హత్యను ఆత్మహత్యగా చిత్రీకరించేందుకు భర్త యాకయ్య పథకం వేశాడు. తానే ప్రాణాలు తీసుకుంటున్నట్టు వెంకటలక్ష్మి మృతదేహం దగ్గర ఓ సూసైడ్ నోట్ రాసి పెట్టాడు.

మృతురాలి బంధువుల సాయంతో లేఖలోని చేతిరాత యాకయ్యదేనని పోలీసులు గుర్తించారు. అతనిపై హత్యా నేరం కింద కేసు నమోదు చేశారు. ఘటనకు గల కారణాలు తెలియాల్సి ఉందని చెప్పారు. నిందితుడు పరారీలో ఉన్నట్లు తెలిపారు.

ఇదీ చదవండి: