గుంటూరు వెంకటాద్రిపేటలో హిజ్రా హత్య స్థానికంగా కలకలం రేపింది. గుంటూరు కొత్తపేట పోలీస్ స్టేషన్ పరిధిలోని వెంకటాద్రి పేటలో నిన్న రాత్రి 11.30 గంటల సమయంలో కోరుకొండ చంద్రశేఖర్ ( 32 ) అలియాస్ చందన అనే హిజ్రాని దుపాటి క్లిమంత్ ( 21) అనే యువకుడు రోకలి బండతో విచక్షణా రహితంగా దాడి చేసి హత్య చేశాడు. హిజ్రా చందన, దుపాటి క్లిమంత్ కొన్నాళ్లుగా సహజీవనం సాగిస్తున్నారు. ఈ క్రమంలో కొద్దిరోజుల నుంచి యువకుడు తన వద్దకు రావడం లేదని హిజ్రా వేధించడం మొదలుపెట్టింది.
వెంటపడి వేధిస్తున్న ఆ హిజ్రా తీరును భరించలేకపోయిన క్లిమంత్.. నిన్న రాత్రి రోకలి బండతో కొట్టి చంపాడు. ఆ తరువాత తానే స్వయంగా కొత్తపేట పోలీ స్టేషన్కి వెళ్లి లొంగిపోయాడు. మృతదేహాన్ని కొత్తపేట పోలీసులు గుంటూరు ప్రభుత్వాస్పత్రి మార్చురీకి తరలించారు. ఘటనపై కేసు నమోదు చేసిన కొత్తపేట పోలీసులు దర్యాప్తు చేస్తున్నారు. విచారణ అనంతరం పూర్తి వివరాలు వెల్లడిస్తామని కొత్తపేట సిఐ శ్రీనివాసులు తెలిపారు.
ఇదీ చదవండి:
