ముగ్గురు వ్యక్తుల అదృశ్యం కేసు దర్యాప్తు సీబీఐకి అప్పగింత

గుంటూరులో ముగ్గురు వ్యక్తుల అదృశ్యం కేసుపై దర్యాప్తును హైకోర్టు సీబీఐకి అప్పగించింది. ఈ వ్యవహారంపై సమగ్ర విచారణ జరిపిన న్యాయాధికారి నివేదికను హైకోర్టుకు సమర్పించారు. ఆ నివేదికకు, పోలీసులు తెలిపిన వివరాలకు పొంతన లేదని సీబీఐ విచారణకు ధర్మాసనం ఆదేశించింది.

గుంటూరులో ముగ్గురు వ్యక్తుల అదృశ్యం కేసుపై దర్యాప్తును హైకోర్టు సీబీఐకి అప్పగించింది. క్రికెట్ బెట్టింగ్​కు పాల్పడ్డారన్న ఆరోపణలతో గతేడాది అక్టోబర్​లో ముగ్గురిని గుంటూరు సీసీఎస్ పోలీసులు అదుపులోకి తీసుకున్నారు. 15 రోజులైనా ముగ్గురి జాడ తెలియని కారణంగా వారి బంధువులు హైకోర్టులో హెబియస్ కార్పస్ పిటిషన్ వేశారు. ఆ యువకులు క్రికెట్ బెట్టింగ్​కు పాల్పడుతున్నారంటూ చేబ్రోలు పోలీసులు కేసు నమోదు చేసి కోర్టులో హాజరుపరిచారు. బాధితులు వేసిన హెబియస్ కార్పస్ పిటిషన్​పై విచారణ జరిపిన హైకోర్టు... ఘటనపై జ్యుడీషియల్​ విచారణకు ఆదేశించింది. సమగ్ర విచారణ జరిపిన న్యాయాధికారి నివేదికను హైకోర్టుకు సమర్పించారు. ఆ నివేదికకు, పోలీసులు తెలిపిన వివరాలకు పొంతన లేదని సీబీఐ విచారణకు హైకోర్టు ఆదేశించింది.

ఇదీ చదవండి: