ఈటీవి భారత్​ ఎపెక్ట్: ఫోటోగ్రాఫర్లకు నిత్యావసరాల పంపిణీ

లాక్ డౌన్ కారణంగా పెళ్లిళ్లు, శుభకార్యాలతో పాటు ఎలాంటి కార్యక్రమాలు జరగటం లేదు. దీంతో ఫొటోగ్రాఫర్ల పరిస్థితి దయనీయంగా మారింది. ఈ పరిస్థితిపై ఈటీవీ భారత్​లో వచ్చిన కథనానికి మక్కె ఫౌండేషన్ ఛైర్మన్ వెంకటఅప్పారావు స్పందించారు. ఫొటోగ్రాఫర్లకు నిత్యావసరాలను పంపిణీ చేశారు.

కరోనా లాక్ డౌన్ వల్ల ఉపాధి కోల్పోయిన ఫొటోగ్రాఫర్లకు గుంటూరులో మక్కె ఫౌండేషన్ తరపున నిత్యావసర సరుకులు అందజేశారు. వారితో పాటుగా పురోహితులు, ప్రైవేటు పాఠశాలల ఉపాధ్యాయులకు కూడా నిత్యావసరాలు అందజేశారు. భౌతిక దూరం పాటిస్తూ ఈ కార్యక్రమం నిర్వహించారు. కుటుంబ పోషణకు ఇబ్బందులు పడుతున్న తరుణంలో ఫొటోగ్రాఫర్లకు అండగా నిలిచిన మక్కె ఫౌండేషన్ కు ఫొటోగ్రాఫర్స్ అసోషియేషన్ ప్రతినిధులు కృతజ్ఞతలు తెలిపారు.

ఇది చదవండి కలుషిత ఆహారం తిని 20మందికి అస్వస్థత