విద్యుత్​ సిబ్బంది డబ్బులు ఇస్త్రీ చేస్తున్నారు.. కారణం ఇదీ..!

కరోనా భయంతో గుంటూరు జిల్లాలో విద్యుత్​, రెవెన్యూ శాఖల సిబ్బంది వినియోగదారులు ఇచ్చే డబ్బులు, బిల్లులను ఇస్త్రీ చేసి తీసుకుంటున్నారు. నోట్ల ద్వారా వైరస్​ వ్యాప్తి చెందుతున్న ఆందోళనతో ఇలా చేస్తున్నట్లు తెలిపారు.

గుంటూరు నగరం నల్లచెరువులోని విద్యుత్​, రెవెన్యూ కార్యాలయంలో.. వినియోగదారులు చెల్లించే విద్యుత్ బిల్లులు, నగదును సిబ్బంది ఇస్త్రీ చేస్తున్నారు. ఇస్త్రీ పెట్టెతో రెండు మూడు పర్యాయాలు నోటుని అటు ఇటు తిరగేసి.. అది కొంచెం వేడెక్కేవరకూ ఇస్త్రీ చేస్తున్నారు. నోట్ల ద్వారా కరోనా వైరస్​ వ్యాప్తి చెెందుతుందన్న భయంతో ఈ పద్ధతి అవలంబిస్తున్నట్లు సిబ్బంది తెలిపారు.

ఇదీ చదవండి: