గుంటూరు జిల్లాలో కరోనా కేసుల పెరుగుదల కొనసాగుతూనే ఉంది. ఇవాళ మరో 10 పాజిటివ్ కేసులు నమోదయ్యాయి. దీంతో జిల్లాలో నమోదైన మొత్తం కేసుల సంఖ్య 373కు చేరింది. గుంటూరు అర్బన్ పరిధిలోని అహ్మద్ నగర్లో 5 కేసులు, సంగడిగంట, గుంటూరువారితోట, కుమ్మరి బజార్లో ఒక్కో కేసు చొప్పున వెలుగుచూశాయి. తాడేపల్లిలో మరో 2 కేసులు పాజిటివ్గా నిర్ధరించారు.
నరసరావుపేటలో ఇవాళ ఒక్క కేసు నమోదు కాకపోవడం ఉపశమనం కల్గించే అంశం. ఈరోజు 21 మంది డిశ్చార్జయ్యారు. జిల్లాలో ఇప్పటివరకు 373 కేసులు నమోదైతే... అందులో 150 మంది డిశ్చార్జ్ కాగా.. మరో 215 మంది చికిత్స పొందుతున్నారు. 8 మంది మృతిచెందారు.
ఇవీ చదవండి.. కరోనా కట్టడికి చతుర్ముఖ వ్యూహం
