గుంటూరు నగరంలోని పాత గుంటూరు పోలీసు స్టేషన్ ముట్టడి ఘటనలో పలువురిపై నమోదైన కేసును ఎత్తి వేస్తూ ప్రభుత్వం జీవో విడుదల చేయటం తెలిసిందే. దీనిని సవాల్ చేస్తూ హైకోర్టులో పిటిషన్ దాఖలైంది. ఈ ఘటనపై ఏపీ పోలీసులతో కాకుండా ఇతర సంస్థలతో దర్యాప్తు జరిపించాలని... పిటిషనర్ తరపు న్యాయవాది వాదించారు. పిటీషన్పై విచారణ జరిపిన ధర్మాసనం... ప్రభుత్వం జారీ చేసిన జీవోపై స్టే విధించింది. జీవోలో ఒక వర్గం వారిని ప్రత్యేకంగా పేర్కొనటంపై హైకోర్టు ఆగ్రహం వ్యక్తం చేసింది. కౌంటర్ దాఖలు చేయాలని ప్రభుత్వాన్ని ఆదేశిస్తూ...తదుపరి విచారణను అక్టోబర్ 1కి వాయిదా వేసింది.
ఇదీచదవండి
