నాగార్జున విశ్వవిద్యాలయం ఉద్యోగుల ఆందోళన

పదోన్నతులు కల్పించాలంటూ గుంటూరు జిల్లా ఆచార్య నాగార్జున విశ్వవిద్యాలయం ఉద్యోగులు ఆందోళనకు దిగారు. తగిన నిర్ణయం తీసుకోకపోతే విధులు బహిష్కరిస్తామని హెచ్చరించారు.

తమకు పదోన్నతులు ఇవ్వాలంటూ ఉప కులపతి కార్యాలయం వద్ద ఆచార్య నాగార్జున విశ్వవిద్యాలయ సిబ్బంది ధర్నా చేశారు. ఉప కులపతి రాంజీని కార్యాలయం నుంచి బయటకు వెళ్లకుండా దిగ్బంధించారు. తమకు బదిలీల దస్త్రంపై సంతకం చేసిన తర్వాతే బయటకు వెళ్లాలని బైఠాయించారు. జూన్ 30న 19 మంది ఉద్యోగులు పదవీ విరమణ చేసిన వారి స్థానంలో మిగిలిన వారికి నియామాకాలు చేపట్టాలన్నారు. లేకపోతే బుధవారం నుంచి విధుల్లోకి హాజరుకాబోమని హెచ్చరించారు.

ఇదిచూడండి.గవర్నర్ భవనంగా.. సీఎం క్యాంపు కార్యాలయం