తూర్పు గోదావరి జిల్లా యు.కొత్తపల్లి మండలం ఉప్పాడ చేపలరేవులో లభ్యమవుతున్న పీతలు ఇక్కడి నుంచి అమెరికాకు ఎగుమతి అవుతున్నాయి. నిత్యం ఈ రేవులో భారీస్థాయిలో పీతలు లభ్యమవడంతో పలు కంపెనీలు ఏజెంట్ల ద్వారా వీటిని అమెరికాకు ఎగుమతి చేస్తున్నారు. రేవులోనే భారీ గిన్నెల్లో ఈ పీతలను ఉడకబెట్టి వాటిని మద్రాస్, విశాఖ ప్రాంతాలలోని కంపెనీలకు ఎగుమతి చేస్తారు. ఇలా చేయడం ద్వారా పీతలు పాడవకుండా ఎక్కువ రోజులు నిల్వ ఉంటాయని మత్స్యకారులు తెలిపారు.
పీతలను కొనుగోలు చేసిన కంపెనీలు అవసరమయ్యే గుజ్జును తీసి మిగతా భాగాన్ని అమెరికాకు ఎగుమతి చేస్తారు. అంతర్జాతీయంగా ఈ పీతలకు గిరాకీ పెరుగుతోంది.
ఇదీ చదవండి: వయసు మూడేళ్లు... ఎత్తు ఆరడుగులు!
