వైద్యశాల విద్యార్థుల నిరసన
తూర్పుగోదావరి జిల్లా రాజమహేంద్రవరంలోని అల్లు రామలింగయ్య ప్రభుత్వ హోమియోపతి వైద్యశాల విద్యార్థులు వరుసగా మూడో రోజూ ఆందోళన చేపట్టారు. గత శనివారం ఆరుగురు విద్యార్థుల్ని పరీక్షలకు అనుమతించక పోవడం పట్ల వారు నిరసనకు దిగారు. ఇవాళ జరగాల్సిన మొదటి సంవత్సరం పిజియాలజీ పరీక్షను ముందస్తుగా గత శనివారం నిర్వహించారు. ఈ అంశంపై తమకు సమాచారం లేదని పరీక్షకు అనుమతించాలని విద్యార్థులు ప్రాదేయపడినా..వారిని అనుమతించలేదని ఆవేదన వ్యక్తం చేశారు. ఈరోజు జరగాల్సిన పరీక్షను బహిష్కరించి విద్యార్థులు నిరసన వ్యక్తం చేశారు. పరీక్షలు మళ్లీ నిర్వహించాలని....ప్రిన్సిపల్ సూర్య భగవాన్ పై చర్యలు తీసుకోవాలని డిమాండ్ చేశారు.
