తూర్పు గోదావరి జిల్లాలో మరో ప్రభుత్వ కొవిడ్ ఆసుపత్రి అందుబాటలోకి వచ్చింది. రాజమహేంద్రవరంలోని ఈఎస్ఐ వైద్యశాలను.. 100 పడకలతో కొవిడ్ క్రిటికల్ కేర్ ఆసుపత్రిగా మార్చారు. మంత్రి వేణుగోపాలకృష్ణ, ఎంపీ భరత్, కలెక్టర్ మురళీధర్ రెడ్డి దీనిని ప్రారంభించారు. స్థానిక పేపర్ మిల్లు నుంచి 15 మెట్రిక్ టన్నుల ఆక్సిజన్ పైపులైన్ను ఆసుపత్రికి అనుసంధానించారు.
ఇదీ చదవండి: ఆ రాష్ట్రంలో అంటువ్యాధుల జాబితాలోకి 'బ్లాక్ ఫంగస్'!
దేశంలోనే అత్యధిక కొవిడ్ కేసులు నమోదవుతున్న పదో జిల్లాగా తూర్పు గోదావరి ఉందని మంత్రి తెలిపారు. కరోనా కట్టడికి ప్రజలందరూ సహకారించాలని కోరారు. జిల్లాలో ప్రైవేటు ఆసుపత్రుల దోపిడీని అరికట్టేందుకు.. రోగుల రూపంలో వెళ్లి నిఘా ఆపరేషన్లు సైతం చేస్తున్నామని కలెక్టర్ చెప్పారు. ఇప్పటికే పలు ప్రైవేటు వైద్యశాలలకు రూ. కోటి 54 లక్షల జరినానాలు విధించామన్నారు. ఉభయగోదావరి జిల్లాల కొవిడ్ రోగులకు ఈఎస్ఐ ఆసుపత్రి వరంగా మారనుందని ఎంపీ భరత్ అభిప్రాయపడ్డారు.
ఇదీ చదవండి: అందిన 'కాటి'కి దోచేస్తున్నారు..!
