తూర్పు గోదావరి జిల్లా రావులపాలెంలోని పది మంది తెదేపా నాయకులపై పోలీసులు కేసు నమోదు చేశారు. ఇళ్ల స్థలాలు మెరక చేసేందుకు బొండు మట్టిని తరలిస్తున్న సమయంలో లారీల్లో ఇసుకను అక్రమంగా తరలిస్తున్నరంటూ పోలీసులకు పట్టించారు. అయితే వాహనాలకు అనుమతులున్న కారణంగా కేసు నమోదు చెయ్యకుండా లారీలను విడిచిపెట్టారు. ఈ విషయమై తెదేపా నేతలు పోలీసులతో వాగ్వాదానికి దిగడమే కాకుండా స్టేషన్ ఎదుట నిరసన చేపట్టారు. అయితే కరోనా కాలంలో గుంపులుగా స్టేషన్కు రావడం, వారి విధులకు ఆటంకం కలిగించడంపై కేసు నమోదు చేశారు. పది మంది తెదేపా నేతలపై కేసు నమోదు చేసినట్లు తెలిపారు.
ఇవీ చూడండి...: ముఖ్యమంత్రికి కృతజ్ఞతలు తెలిపిన ఎమ్మెల్యే
