యానాం ప్రభుత్వ ఆసుపత్రికి ఆక్సిజన్ సిలిండర్లు అందజేత

అమెరికాలో స్థిరపడిన ఓ వ్యక్తి ఉదారతను చాటుకున్నాడు. తన తండ్రి పనిచేసిన ఆసుపత్రికి లక్షా 60 వేల రూపాయలు విలువ చేసే ఆక్సిజన్ సిలిండర్లు అందజేశారు.

తన తండ్రి చింతా బుల్లయ్య పనిచేసిన ఆసుపత్రికి లక్షా 60 వేల విలువైన జంబో ఆక్సిజన్ సిలిండర్లను అందించాడు అమెరికాలో స్థిరపడిన ఆయన కుమారుడు చింతా వెంకట గణేష్. ఈ మేరకు యానాం ప్రభుత్వ ఆసుపత్రి అధికారులకు వాటిని అందించాడు. కరోనా కేసులు పెరుగుతున్న నేపథ్యంలో... అత్యవసర పరిస్థితిలో ఆక్సిజన్ కోసం ఇబ్బందులు పడకుండా ఈ పని చేసినట్టు వెంకట గణేష్ పేర్కొన్నారు. దాత కుటుంబసభ్యులను అధికారులు అభినందించారు.

ఇదీ చదవండీ... రాష్ట్రంలో తగ్గని కరోనా ఉద్ధృతి... కొత్తగా 8,835 పాజిటివ్ కేసులు