తూర్పుగోదావరి జిల్లాలోని కాకినాడ జేఎన్టీయూలో విద్యార్థులు, సిబ్బందికి కరోనా సోకడంతో అధికారులు చర్యలకు దిగారు. ఈనెల 30 నుంచి అన్ని తరగతుల పాఠ్యాంశాలను ఆన్లైన్ ద్వారా నిర్వహించాలని నిర్ణయించారు. ఈ మేరకు జేఎన్టీయూ కళాశాల ప్రిన్సిపల్ బాలకృష్ణ ఉత్తర్వులు విడుదల చేశారు.
విద్యార్థులకు ఆన్లైన్ ద్వారా పాఠ్యాంశాల బోధనకు అవసరమైన ఏర్పాట్లు చేయాలని కళాశాలలోని అన్ని విభాగాలకు చెందిన హెచ్వోడీలకు ప్రిన్సిపల్ సూచించారు. బీటెక్ ఆఖరి, ద్వితీయ ఏడాది విద్యార్థులకు మొదటి సెమిస్టర్ పరీక్షలు షెడ్యూల్ ప్రకారం తరగగతి గదుల్లోనే నిర్వహించనున్నట్లు పేర్కొన్నారు.
ఇదీ చదవండి:
స్థానికుడి ఫిర్యాదుపై స్పందించిన రాష్ట్రపతి కార్యాలయం..రోడ్డుకు మరమ్మతులు
