నోరు జారాడు.. క్షమాపణ చెప్పాడు

మహిళ అని అలుసుగా తీసుకున్నాడు. సహోద్యోగి అని మరిచిపోయాడు. నోరు జారాడు. చివరికి క్షమాపణ చెప్పాడు. ఇంతకీ అసలు విషయం ఏంటి? ఎక్కడ జరిగింది?

తూర్పు గోదావరి జిల్లా రాజమహేంద్రవరంలోని జిల్లా పౌర సరఫరాల శాఖ కార్యాలయంలో... సురేష్ అనే ఉద్యోగి తోటి మహిళా ఉద్యోగిపై దుర్భాషలాడాడు. మానసిక ఆవేదనకు గురయిన ఆమె బంధువులతో డీఎస్​వో కార్యాలయానికి వెళ్లి ఫిర్యాదు చేశారు. మహిళా సంఘాలూ ఆమెకు మద్దతుగా అక్కడికి చేరుకోగా.. పరిస్థితి ఉద్రిక్తంగా మారింది. చివరికి.. తప్పు ఒప్పుకొన్న సురేష్‌... రాతపూర్వకంగా క్షమాపణ చెప్పాడు. అయినా.. మహిళా సంఘాలు శాంతించలేదు. డీఎస్​వో ప్రసాదరావు కలగజేసుకుని ఇకపై తన కార్యాలయంలో ఇలాంటి సంఘటనలు జరగకుండా చర్యలు తీసుకుంటానని హామీ ఇచ్చి ఆందోళనను ఆపించారు.

ఇదీ చూడండి: దారి దోపిడీ దొంగల అరెస్ట్... రూ.38 వేలు స్వాధీనం