ఒడిశా నుంచి తూర్పుగోదావరి జిల్లా పిఠాపురం తీసుకొచ్చి విక్రయిస్తున్న అక్రమ మద్యం సీసాలను ఎక్సైజ్ అధికారులు పట్టుకున్నారు. పిఠాపురం ఎక్సైజ్ సీఐ కాత్యాయని తెలిపిన వివరాల ప్రకారం.. పిఠాపురానికి చెందిన ఇద్దరు వ్యక్తులు ఇతర రాష్ట్రాల నుంచి మద్యం తెచ్చి విక్రయిస్తున్నట్లు పోలీసులకు సమాచారం అందింది. దీంతో పోలీసులు నాలుగు రోజులుగా ప్రత్యేక నిఘా పెట్టారు. నిందితుల్లో ఓ వ్యక్తి పిఠాపురంలోని క్రాంతి ట్రాన్స్పోర్టు నడుపుతున్న క్రమంలో.. ఒడిశా నుంచి మద్యం రాష్ట్రానికి తీసుకురావడానికి ట్రాన్స్‌పోర్ట్ మార్గాన్ని ఎంచుకున్నట్లు సీఐ తెలిపారు. పోలీసుల తనిఖీల్లో ఓ కారులో మద్యం సీసాలను తరలిస్తుండగా.. పట్టుకున్నట్లు వివరించారు. ఈ కేసులో ఇద్దరు నిందితులను అదుపులోకి తీసుకుని విచారిస్తున్నట్లు పోలీసులు వెల్లడించారు.
ఇదీ చదవండి: పోస్టులు పెట్టినవారిపై ఎలాంటి చర్యలు తీసుకున్నారు: హైకోర్టు
