తుపాను ఎలాంటి ప్రభావం చూపినా..ఎదుర్కొనేందుకు సిద్దం

తుపాను ఎలాంటి ప్రభావం చూపినప్పటికీ ఎదుర్కొనేందుకు అధికార యంత్రాంగం సిద్ధంగా ఉన్నట్లు తూర్పుగోదావరి జిల్లా కలెక్టర్ కార్తికేయ మిశ్రా వెల్లడించారు. సముద్రంలో వేటకు వెళ్ళిన మత్య్సకారులు ఉంటే వెంటనే తిరిగి రావాలని విజ్ఞప్తి చేసారు.

తుపాను ఎలాంటి ప్రభావం చూపినప్పటికీ ఎదుర్కొనేందుకు అధికార యంత్రాంగం సిద్ధంగా ఉన్నట్లు తూర్పుగోదావరి జిల్లా కలెక్టర్ కార్తికేయ మిశ్రా వెల్లడించారు. ప్రస్తుతం మచిలీ పట్నానికి ఆగ్నేయంగా 7వందల కిలోమీటర్ల దూరంలో తుపాను కేంద్రీకృతమైనట్లు తెలిపారు. మరో 24 గంటలు గడిస్తే తప్ప తుపాను తీవ్రతను అంచనా వేయలేమన్నారు. సముద్రంలో వేటకు వెళ్ళిన మత్య్సకారులు ఉంటే వెంటనే తిరిగి రావాలని విజ్ఞప్తి చేసారు. వేట నిషేధం అమల్లో ఉన్నప్పటకీ వేటకు వెళ్లి ఉంటే మత్య్సకార కుటుంబ సభ్యులు అధికారులకు సమాచారం అందించాలని సూచించారు.

తుపాను ఎంత తీవ్రమైనా.. స్ట్రాంగ్ రూముల్లో ఈవీఎంలు భద్రం
తీర ప్రాంతాల్లోని అధికారుల సెలవులు రద్దు చేసినట్లు కలెక్టర్ చెప్పారు. ఇప్పటికే రైతులు 75శాతం పంటను బస్తాల్లో భద్రం చేసుకున్నట్లు కలెక్టర్ తెలిపారు. మిగిలిన ప్రాంతాల్లో ధాన్యం కొనుగోలు ప్రక్రియను వేగవంతం చేస్తామన్నారు. ఎంత తీవ్రమైన తుపాను వచ్చినప్పటికీ స్ట్రాంగ్ రూముల్లో ఈవీఎంలు భద్రంగా ఉంటాయని చెప్పారు.