షార్ట్ సర్క్యూట్​తో కారు దగ్ధం....ప్రయాణికులు క్షేమం

షార్టు సర్క్యూట్ కారణంగా కారులో మంటలు వ్యాపించి దగ్దమైంది. ఈ ఘటన తూర్పుగోదావరి జిల్లా రాజానగరం గైటు కళాశాల వద్ద జరిగింది.

తూర్పు గోదావరి జిల్లా రాజానగరం గైట్ కళాశాల వద్ద జాతీయ రహదారిపై కారులో మంటలు వ్యాపించి దగ్ధమైంది. కారులో ప్రయాణిస్తున్న ఐదుగురు వ్యక్తులు సురక్షితంగా బయటపడ్డారు. షార్ట్ సర్క్యూట్ కారణంగా ప్రమాదం జరిగినట్లు అగ్నిమాపక సిబ్బంది తెలిపారు.

ఇదీ జరిగింది.

నర్సీపట్నం అడ్డరోడ్డుకు చెందిన ఆర్ శ్రీను అతని కుటుంబ సభ్యులు రాజమహేంద్రవరంలో ఓ శుభకార్యానికి వెళ్లి వస్తుండగా....జాతీయ రహదారిపై ఆటోనగర్ వచ్చే సరికి కారులోంచి వాసన రావడం ప్రారంభమైంది. ప్రమాదాన్ని పసిగట్టిన శ్రీను ... డ్రైవర్​ను హెచ్చరించడంతో కారులో ఉన్న అందరు దిగిపోయారు. వెంటనే వాహనంలోంచి మంటలు చెలరేగాయి. అగ్నిమాపక దళం వచ్చి మంటలను ఆర్పారు. ఈ ప్రమాదంలో 5 వేల నగదు కారుకు సంబంధించిన పత్రాలు కాలిపోయాయని తెలిపారు.

ఇవీ చదవండి