కరోనా వ్యాప్తి నివారణకు వైరస్ సంహారక మార్గం
తూర్పు గోదావరి జిల్లా తునిలోని రాజా క్రీడా మైదానంలో ఏర్పాటు చేసిన రైతు బజారుకు.. నియమిత వేళల్లో జనాలు పెద్ద సంఖ్యలో తరలివస్తున్నారు. నిత్యావసరాల కొనుగోళ్ల క్రమంలో.. ఒక్కోసారి సామాజిక దూరాన్ని మరిచిపోతున్నారు. ఈ విషయాన్ని గుర్తించిన స్థానిక ఎమ్మెల్యే దాడిశెట్టి రాజా వైకాపా నాయకులకు సమస్య వివరించారు. పార్టీ నాయకుడు ఏలూరి బాలు.. రైతుబజార్ వద్ద వైరస్ సంహారక మార్గాన్ని ఏర్పాటు చేశారు. అందులోనుంచే ప్రజలు రైతుబజార్కు రాకపోకలు చేసేలా చర్యలు తీసుకున్నారు. ప్రజలు వచ్చి వెళ్లే సమయంలో.. వారిపై ప్రత్యేకమైన ఛాంబర్ నుంచి ఒక శాతం హైపో సోడియం క్లోరైట్ కలిపిన నీరు పిచికారీ అవుతుంది. ఫలితంగా.. వైరస్ వ్యాప్తికి అవకాశాలు తగ్గుతాయని ఆశిస్తున్నట్టు నిర్వాహకులు తెలిపారు.
