పుంగనూరులో వివాదాస్పదమైన.. నామినేషన్ల పరిశీలన ప్రక్రియ

చిత్తూరు జిల్లా పుంగనూరు నియోజకవర్గంలో మూడో విడత గ్రామ పంచాయతీ ఎన్నికల నామినేషన్ల పరిశీలన ప్రక్రియ ఉద్రిక్తతలకు దారి తీసింది. సర్పంచ్ అభ్యర్థి నామినేషన్​లో అన్ని పత్రాలు సరిగా ఉన్నప్పటికీ తిరస్కరించారని ఆందోళనకు దిగారు. ఐదు మండలాల్లో సర్పంచ్ పదవికి వేసిన నామినేషన్లను తిరస్కరించటంపై అభ్యర్ధులు రోడ్డుపై బైఠాయించి నిరసన తెలిపారు.

చిత్తూరు జిల్లాలో.. మూడో విడత పంచాయతీ ఎన్నికల నామినేషన్ల పరిశీలన ప్రక్రియ వివాదాస్పదంగా మారింది. పుంగనూరు నియోజకవర్గంలోని 5 మండలాల్లో.. సర్పంచ్ పదవికి వేసిన నామినేషన్లను తిరస్కరించడంపై దుమారం రేగింది. మెట్ట చింతవారిపల్లెలో సర్పంచ్ అభ్యర్థిగా నామినేషన్ వేసిన వ్యక్తికి సంబంధించి అన్ని పత్రాలు సక్రమంగా ఉన్నా తిరస్కరించారంటూ రోడ్డుపై బైఠాయించారు. ఈ పంచాయతీలో మూడోదశ ఎన్నికకు.. ఒకే పార్టీ బలపరిచిన ఇద్దరు వ్యక్తులు నామినేషన్ వేశారు. ఈ క్రమంలోనే.. ఒకరి అభ్యర్థిత్వాన్ని తిరస్కరించటంపై ఆ వర్గం ఆగ్రహం వ్యక్తం చేసింది. వారికి సర్దిజెప్పేందుకు యత్నించినా లాభం లేకపోవటం వల్ల.. అక్కడి నుంచి పోలీసులు బలవంతంగా వారిని తరలించారు.

ఇవీ చూడండి...: ఓటరు స్లిప్పులపై పార్టీ మద్దతు గుర్తులు.. అభ్యర్థుల ఆందోళనలు