తిరుపతిలో ఏర్పాటుచేసిన సమావేశంలో వెల్ఫేర్ అసోసియేషన్ రాష్ట్ర గౌరవ అధ్యక్షుడు ముప్పాళ్ల నాగేశ్వరరావు మాట్లాడారు. రాష్ట్రంలో ఉన్న అగ్రిగోల్డ్ ఆస్తులను....రియల్ ఎస్టేట్ వెంచర్లుగా మార్చి...విక్రయించటం ద్వారా ప్రభుత్వం బాధితుల కష్టాలను దూరం చేయాలని... ఆయన కోరారు. ప్రభుత్వం బాధితులను ఆదుకునేందుకు బడ్జెట్లో కేటాయించిన నిధులను విడుదల చేయాలని విజ్ఞప్తి చేశారు. అగ్రిగోల్డ్ మోసాలకు కారణమైన వారంతా బినామీ పేర్లతో తమ ఆస్తులను అమ్ముకుంటున్నారన్న ఆయన ప్రభుత్వం దీనిపై కఠిన చర్యలు తీసుకోవాలని కోరారు. సీఎం వైఎస్ జగన్ ఎన్నికల సమయంలో ఇచ్చిన హామీ మేరకు 20వేల రూపాయల లోపు ఉన్న 13లక్షల మంది బాధితులకు సంబంధించి 1150 కోట్ల రూపాయలను విడుదల చేసి బాధితులను సత్వరమే ఆదుకోవాలని అన్నారు.
సమావేశంలో మాట్లాడుతున్న అసోసియేషన్ గౌరవ అధ్యక్షుడు
