CPI Narayana on Jagan: వైసీపీ నేతలపై సీపీఐ జాతీయ కార్యదర్శి నారాయణ తిరుపతిలో తీవ్ర స్థాయిలో మండిపడ్డారు. గ్రామాలలో ఖాళీ స్థలాలు కనిపిస్తే వైసీపీ నేతలు కబ్జా చేస్తున్నారని, వైసీపీకి వ్యతిరేకంగా ఉన్న వారిని భయబ్రాంతులకు గురి చేస్తున్నారని ఆయన ఆగ్రహం వ్యక్తం చేశారు. వైకాపా నేతల నిర్వాకంతో రాష్ట్రానికి ఒక్క పరిశ్రమ రాలేదని, ఉన్న పరిశ్రమలు కూడా వెళ్ళిపోతున్నాయని పేర్కొన్నారు. వైసీపీకి ఎంత మంది సలహాదారులు ఉన్నారో వారి ఫోటోలను విడుదల చేయాలన్నారు. మాచర్లలో తెదేపా కార్యాలయంపై దాడిని నారాయణ ఖండించారు. ఉద్యోగులకు జీతం ఇవ్వలేని స్థితిలో రాష్ట్ర ఆర్థిక పరిస్థితి ఉందని, రాష్ట్ర ఆర్థిక పరిస్థితిపై శ్వేత పత్రుం విడుదల చేయాలని డిమాండ్ చేశారు. 175 స్థానాలు వస్తాయని జగన్ పగటి కలలు కంటున్నారని ఎద్దేవా చేశారు.
"వైసీపీకి వ్యతిరేకంగా ఉన్న వారిని భయబ్రాంతులకు గురి చేస్తున్నారు. గ్రామాలలో ఖాళీ స్థలాలు కనిపిస్తే వైసీపీ నేతలు కబ్జా చేస్తున్నారు. 175 స్థానాలు వస్తాయని జగన్ కలలు కంటున్నారు. ఉద్యోగులకు జీతం ఇవ్వలేని స్థితిలో రాష్ట్ర ఆర్థిక పరిస్థితి ఉంది. వైసీపీకి ఎంత మంది సలహాదారులు ఉన్నారో వారి ఫోటోలను విడుదల చేయాలి" - సీపీఐ జాతీయ కార్యదర్శి నారాయణ
ఇవీ చదవండి:
