చివరి శ్వాస విడిచే వరకూ కాంగ్రెస్​తోనే ఉంటా!

ఆఖరి శ్వాస విడిచేంత వరకు కాంగ్రెస్ సేవలో ఉంటూ పార్టీ బలోపేతానికి శ్రమిస్తానని చిత్తూరు జిల్లా జీడీ నెల్లూరు నియోజకవర్గ కాంగ్రెస్ అభ్యర్థి డాక్టర్ నర్సింహులు అన్నారు. వేణుగోపాలస్వామి ఆలయంలో ప్రత్యేక పూజలు చేసిన అనంతరం ఎన్నికల ప్రచారం చేశారు.

చిత్తూరు జిల్లా జీడీ నెల్లూరు కాంగ్రెస్​ అభ్యర్థి డాక్టర్​ నర్సింహులు ప్రచార జోరు పెంచారు. కార్వేటి నగరంలో పర్యటించిన ఆయన... ఇంటింటికీ వెళ్లి ఓట్లు అభ్యర్థించారు. పేదల పార్టీ కాంగ్రెస్​ను ఆదరించాలని... అందరికీ న్యాయం చేస్తామని హామీ ఇచ్చారు. కాంగ్రెస్​ పార్టీ అధికారంలోకి వస్తే నిరుద్యోగ సమస్య తీర్చడానికి ప్రత్యేక చర్యలు తీసుకుంటామని హామీ ఇచ్చారు. పుత్తూరు రోడ్డులో పార్టీ కార్యాలయం ప్రారంభించిన ఆయన... తన చివరి శ్వాస వరకు కాంగ్రెస్​తోనే ఉంటానని స్పష్టం చేశారు.