దేశ సంస్కృతికి మూలమైన సంస్కృత భాషను కాపాడుకోవాల్సిన బాధ్యత అందరిపై ఉందని కేంద్ర మానవ వనరులశాఖ మంత్రి రమేశ్ పోఖ్రియాల్ అన్నారు. తిరుపతిలోని రాష్ట్రీయ సంస్కృత విద్యాపీఠాన్ని సందర్శించిన ఆయన... పలు అభివృద్ధికి కార్యక్రమాలకు శంకుస్థాపన, నూతన భవనాల ప్రారంభోత్సవ కార్యక్రమాల్లో పాల్గొన్నారు. విద్యార్థులతో కలిసి విద్యాపీఠం ప్రాంగణంలో శోభాయాత్రను నిర్వహించారు. అంతకుముందు వేద విశ్వవిద్యాలయాన్ని సందర్శించిన కేంద్రమంత్రికి వేదపండితులు పూర్ణకుంభ స్వాగతం పలికారు. సంస్కృత విద్యాపీఠంలో నిర్వహించిన కార్యక్రమంలో పోఖ్రియాల్ స్వయంగా రచించిన హిందీ పద్యమాలిక 'కోయి ముష్కిల్ నహీ'కి సంస్కృత అనువాద పుస్తకాన్ని ఆవిష్కరించారు.
తిరుపతి ఎంపీ దుర్గాప్రసాద్, కేంద్రమంత్రి రమేష్ పోఖ్రియాల్కు మధ్య ఆసక్తికర సంభాషణ జరిగింది. కార్యక్రమం మొత్తం సంస్కృతంలోనే నిర్వహించడాన్ని వ్యంగ్యంగా తప్పుపట్టిన ఎంపీ... తెలుగు సంప్రదాయాలకు, భాషకు సైతం చోటు కల్పించాలని కోరారు. స్థానికులకు విద్యాపీఠంలో ప్రవేశాలు కల్పించాలని కోరిన ఎంపీ.. సంస్కృత విద్యాపీఠానికి కేంద్రీయ విశ్వవిద్యాలయం హోదా కల్పించాలన్నారు.
సరైన సమయంలో నిర్ణయం : కేంద్ర మంత్రి
దేశంలోని భాషలన్నింటికీ మూలమైన సంస్కృతాన్ని కాపాడుకోవాలన్నారు కేంద్రమంత్రి రమేశ్ పోఖ్రియాల్. అందులో భాగంగా సంస్కృత విద్యాపీఠాన్ని ప్రోత్సహిస్తున్నామని చెప్పారు. కేంద్రీయ విశ్వవిద్యాలయం హోదాపై సరైన నిర్ణయం తీసుకుంటామ పేర్కొన్నారు. గడచిన ఐదేళ్లలో పలు జాతీయ సంస్థలను ఏపీలో ఏర్పాటు చేయటం ద్వారా రాష్ట్రానికి కేంద్ర ప్రభుత్వం అండగా నిలబడిందని తెలిపారు.
ఇదీ చదవండి :
