లైవ్ వీడియో: విలేఖరి ఇంటిముందు వీరంగం సృష్టించిన వ్యక్తి
తమకు అనుకూలంగా వార్త రాయలేదని... గుర్తు తెలియని వ్యక్తులు తన ఇంటిపై దాడి చేసి వస్తువులను ధ్వంసం చేసినట్లు చిత్తూరు జిల్లా సోమల మండలానికి చెందిన ఓ విలేకరి పోలీసులకు ఫిర్యాదు చేశారు. విలేకరి సొంతూరు కందూరులో పలువురు యువకులు వీరంగం సృష్టించారు. ఇంట్లో ఉండే సామాన్లు బయటకు వేసి ధ్వంసం చేశారు. ఈ విషయంపై బాధిత విలేకరి పోలీసులకు ఫిర్యాదు చేశాడు. అనుకూలంగా వార్త రాయలేదని అక్కసుతో ఇంటిపై దాడిచేసి, చంపేస్తామని బెదిరించారని తన పిర్యాదులో పేర్కొన్నారు. యువకులు దాడి చేస్తున్న సమయంలో దృశ్యాలను రికార్డ్ చేసిన విలేకరి... వాటిని పోలీసులకు చూపారు.
