తిరుమల వెంకటేశ్వరస్వామి వర్చువల్ ఆర్జిత సేవల టిక్కెట్లను తితిదే విడుదల చేసింది. శ్రీవారి కల్యాణోత్సవం, ఆర్జిత బ్రహ్మోత్సవం, డోలోత్సవం, సహస్ర దీపాలంకరణ సేవలకు సంబంధించిన టిక్కెట్లను ఆన్లైన్లో ఉంచింది. ఒక్కో సేవకు సంబంధించి రోజుకు ఐదు వేల టిక్కెట్లను భక్తులకు అందించనున్నారు.
నవంబరు 15 నుంచి 30వ తేదీ వరకు కల్యాణోత్సవం టిక్కెట్లు, 22 నుంచి 30వ తేదీ వరకు మిగిలిన ఆర్జిత సేవల టిక్కెట్లు అందుబాటులో ఉంచారు. కల్యాణోత్సవం టిక్కెట్లు బుక్ చేసుకున్న భక్తులకు దర్శనం ఉచితంగా కల్పించనున్నారు. మిగిలిన సేవలు ఎంచుకున్నవారు అదనంగా రూ.300 చెల్లించాల్సి ఉంటుంది. వీరు 90రోజుల్లో అందుబాటులో ఉన్న టైమ్ స్లాట్స్ ఆధారంగా దర్శనాలు బుక్ చేసుకునే సౌకర్యాన్ని తితిదే కల్పించింది.
ఇదీ చదవండి: రికార్డు స్థాయిలో తిరుమల శ్రీవారి హుండీ ఆదాయం
