ఈటీవీకి జాతీయ అవార్డు

నీటి నిర్వహణ, యాజమాన్య విధానంలో ఉత్తమ టీవీ ప్రదర్శనల విభాగంలో... 'ఈటీవీ తెలంగాణ'కు ద్వితీయ అవార్డు వచ్చింది.

నీటి సంరక్షణ, వినియోగం, నిర్వహణ, నదుల పునరుజ్జీవనంలో ఉత్తమ రాష్ట్రం విభాగంలో ఏపీ మూడో స్థానం దక్కించుకుంది. దిల్లీలో జాతీయ జల అవార్డుల ప్రదానోత్సవ జరిగింది. కేంద్ర మంత్రి నితిన్ గడ్కరీ అవార్డులు ప్రదానం చేశారు. ఉత్తమ పనితీరు కనబరిచిన రాష్ట్రాలు, జిల్లాలు, సంస్థలు, మీడియా సంస్థలకు అవార్డులు అందజేశారు. నీటి నిర్వహణ, యాజమాన్య విధానంలో ఉత్తమ టీవీ ప్రదర్శనల విభాగంలో... 'ఈటీవీ తెలంగాణ'కు రెండో అవార్డు వచ్చింది.

భూగర్భజలాల పెంపుదలలో అనంతపురం జిల్లాకు ప్రథమ బహుమతి దక్కింది. తెలంగాణ రాష్ట్రంలోని కామారెడ్డి జిల్లాకు ద్వితీయ బహుమతి వచ్చింది. భూగర్భ జలాల పెంపుదలలో ప్రోత్సాహక జిల్లాల విభాగంలో విశాఖ రెండో స్థానంలో నిలిచింది. నదీ పునరుజ్జీవనం విభాగంలో కర్నూలు జిల్లా తొలి స్థానం పొందింది. ప్రోత్సాహక జిల్లాల విభాగంలో కడప జిల్లా అగ్రస్థానం కైవసం చేసుకుంది.

నీటి వినియోగంలో కాకతీయ వర్సిటీ జియాలజీ విభాగం ముందుభాగాన నిలిచింది. ఉత్తమ నివాస ప్రాంగణాల విభాగంలో విశాఖ అవార్డు దక్కించుకుంది. విశాఖకు చెందిన జె.ఆర్.నగర్ రెసిడెంట్స్ వెల్ఫేర్‌ అసోసియేషన్‌ను అవార్డు వరించింది. నీటి నిర్వహణలో ప్రతిభ చూపిన మతపరమైన సంస్థల విభాగంలో సింహాచలం ఆలయానికి అవార్డు వచ్చింది.పర్యాటక విభాగంలో ధ్రువాన్ష్ ఆర్గనైజేషన్‌ అవార్డు దక్కించుకుంది.