అభివృద్ధిని వైకాపా ఓర్వలేకపోతోంది: లంకా దినకర్

ఆడపడుచులకు పసుపు కుంకుమ చేరకుండా ఆపాలని వైకాపా నేతలు కుట్రలు చేస్తున్నారని తెదేపా నేత లంకా దినకర్‌ విమర్శించారు. సంక్షేమం, అభివృద్ధితో ప్రజల్ని చంద్రబాబు ఆదుకుంటే... ఆ అభివృద్ధిని అడ్డుకుని ప్రజల్ని దోచుకునేందుకు.. జగన్మోహన్ రెడ్డి ప్రయత్నిస్తున్నారని ఆరోపించారు.

పోలవరం ప్రాజెక్టు నిర్మాణానికి వైకాపా అడ్డంకులు సృష్టించిందని తెదేపా అధికార ప్రతినిధి లంకా దినకర్ ఆరోపించారు.పసుపు - కుంకుమ, అన్నదాత సుఖీభవ పథకాలకు సంబంధించిన చెల్లింపుల్ని నిలిపి వేయాలని వైకాపా... ఎన్నికల కమిషన్ కి లేఖ రాసిందన్నారు. గ్రామాల్లో రైతులు, అక్కా చెల్లెళ్లు... వైకాపా నాయకుల్ని నిలదీయాలని చెప్పారు. ఒక్క అవకాశం ఇవ్వాలని జగన్‌ అడుగుతోంది... రాష్ట్రాన్ని దోచుకోవటానికేనాఅని ప్రశ్నించారు.