కీలక ప్రకటనలకు జగన్ సమాయత్తం..!?

ముఖ్యమంత్రిగా ప్రమాణ స్వీకారం చేసే రోజున కీలకమైన ప్రకటనలు చేసేందుకు జగన్ సమాయత్తమవుతున్నారు. నవరత్నాలతోపాటు ఆర్థిక క్రమశిక్షణపైనా ప్రకటన చేయాలని భావిస్తున్నట్లు తెలుస్తోంది. మాజీ సీఎస్ అజయ్​కల్లాం ఇప్పటికే జగన్​కు కొన్ని వివరాలు సమర్పించినట్లు సమాచారం. పోలవరం నిర్మాణం, రాజధాని నిర్మాణం, రాష్ట్ర ఆర్థిక పరిస్థితిపై వివరాలు కోరటంతో శాఖల వారీగా ప్రస్తుతం ఉన్న పరిస్థితిని తెలియచేసేలా ప్రభుత్వ ప్రధాన కార్యదర్శి ఎల్వీ సుబ్రహ్మణ్యం జగన్​కు నివేదికలు ఇచ్చారు.

ముఖ్యమంత్రిగా ప్రమాణ స్వీకారం చేసే రోజున కీలక ప్రకటనలు చేయాలని జగన్ భావిస్తున్నట్లు తెలుస్తోంది. నవరత్నాలతోపాటు నూతన అంశాలపైనా... జగన్ దృష్టిసారించినట్లు సమాచారం. కొత్త ప్రభుత్వం ఆర్థికంగా ఎదుర్కోవాల్సిన సవాళ్లపై... మాజీ సీఎస్ అజయ్​కల్లాం ఇప్పటికే జగన్​కు వివరించినట్లు తెలుస్తోంది. జగన్​తో సుదీర్ఘంగా భేటీ అయిన అజయ్​కల్లాం... రాష్ట్ర ఆర్థిక పరిస్థితితోపాటు వివిధ శాఖలపై తీసుకోవాల్సిన కొత్త నిర్ణయాలపై చర్చించినట్లు సమాచారం.

ప్రభుత్వ ప్రధాన కార్యదర్శి ఎల్వీ సుబ్రహ్మణ్యం కూడా శాఖల వారీగా సంక్షిప్తంగా సమాచారాన్ని జగన్​కు ఇచ్చారు. ప్రత్యేకించి పోలవరం ప్రాజెక్టులో ఇప్పటి వరకూ ప్రభుత్వం ఖర్చు చేసిన మొత్తం ఎంత... ఇంకా కేంద్రం నుంచి రావాల్సింది ఎంత అనే వివరాలు ఇచ్చారు. అమరావతి రాజధాని నిర్మాణంపై కూడా సీఎస్ జగన్​కు వివరాలు అందజేశారు.

ప్రస్తుతం రాష్ట్రం ఆర్థిక ఇబ్బందుల్లో ఉన్నందున... తక్షణం తీసుకునే నిర్ణయాలు ఆచితూచి తీసుకోవాలని అధికారులు జగన్​కు సూచించినట్లు తెలుస్తోంది. ముఖ్యమంత్రిగా ప్రమాణ స్వీకారం పూర్తయ్యాక జూన్ 1 నుంచి 5 వరకు శాఖల వారీగా సమీక్షలు నిర్వహించి పూర్తిస్థాయి నిర్ణయాలు అమలు చేయాలని జగన్ భావిస్తున్నట్లు తెలుస్తోంది.

ఇదీ చదవండీ...