రేపు అనిల్ చంద్ర పునేఠా పదవీ విరమణ

మాజీ సీఎస్, ఖనిజాభివృద్ధి సంస్థ ఎండీ అనిల్ చంద్ర పునేఠా రేపు పదవీ విరమణ చేయనున్నారు. మరో మాజీ సీఎస్ సత్య ప్రకాశ్ టక్కర్ ఏపీ ఎకనామిక్ డెవలప్​మెంట్ బోర్డ్ ఛైర్మన్ పదవికి రాజీనామా చేశారు.

ప్రభుత్వ మాజీ ప్రధాన కార్యదర్శి అనిల్ చంద్ర పునేఠా రేపు పదవీ విరమణ చేయనున్నారు. ఎన్నికల సంఘం ఆదేశాల మేరకు సీఎస్ బాధ్యతల నుంచి వైదొలిగిన పునేఠాను గత ప్రభుత్వం మినరల్ డెవలప్​మెంట్​ కార్పొరేషన్ ఎండీగా నియమించింది.

ఎస్పీ టక్కర్ తర్వాత అనిల్ చంద్ర పునేఠా ప్రభుత్వ ప్రధాన కార్యదర్శిగా బాధ్యతలు చేపట్టారు. అయితే ఎన్నికల ప్రవర్తనా నియమావళి అమల్లో ఉన్న సమయంలో ఐపీఎస్​ల బదిలీల వివాదంపై ఈసీ పునేఠాపై బదిలీవేటు వేసింది. దాదాపు నెలరోజుల పాటు ఎలాంటి పోస్టింగ్​లో లేని పునేఠాను... పదవీ విరమణ కంటే 10రోజుల ముందు ఖనిజాభివృద్ధి సంస్థ ఎండీగా నియమించారు.

మరోవైపు ఏపీ ఎకనామిక్ డెవలప్​మెంట్​ బోర్డు చైర్మన్ పదవికి మాజీ సీఎస్ సత్యప్రకాశ్ టక్కర్ రాజీనామా చేశారు. ఇక విశ్రాంత డిప్యూటీ కలెక్టర్ పి.కృష్ణమోహన్ రెడ్డిని ముఖ్యమంత్రి ఓఎస్డీగా నియమిస్తూ ప్రభుత్వ సాధారణ పరిపాలన శాఖ ఉత్తర్వులు జారీ చేసింది. ఈ రోజునుంచి ఉత్తర్వులు వర్తించనున్నాయని జీఏడీ కార్యదర్శి శ్రీకాంత్ నాగులాపల్లి తన ఆదేశాల్లో పేర్కొన్నారు.

ఇవీ చూడండి-తూర్పు నౌకాదళ ప్రధానాధికారిగా జైన్​ పదవీ బాధ్యతలు