Road Accident: తెలంగాణలోని ఖమ్మం జిల్లా ఎర్రుపాలెం మండలం రామన్నపాలేనికి చెందిన జయరాజు కుమారుడు రవి(30) కొద్ది సంవత్సరాల క్రితం హైదరాబాద్కు వచ్చి గోల్కొండ, రామ్‌దేవ్‌గుడాలో అద్దెకు ఉంటున్నారు. విప్రో కంపెనీలో ఎలక్ట్రీషియన్గా పని చేస్తున్నాడు. ఇద్దరు సంతానం. శనివారం కుమార్తె పుట్టినరోజు కావడంతో సాయంత్రం నార్సింగిలోని ఓ బేకరీలో కేకు ఆర్డర్‌ ఇచ్చి ఇంటికి బయలుదేరాడు. తారామతి, బారాదరి వద్దకు రాగానే ముందున్న వాహనాన్ని దాటబోయి బైక్‌పై నుంచి కిందపడ్డాడు.
ఘటనలో రవి తలకు తీవ్ర గాయమై అక్కడికక్కడే మృతి చెందాడు. ఈ విషయం తెలిస్తే భార్య స్పందన ఎలా ఉంటుందోనని వెంటనే చెప్పేందుకు పోలీసులు వెనుకాడారు. పోస్టుమార్టం కోసం ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.
ఇవీ చదవండి:
