అనంతలో వండర్ బుక్ ఆఫ్ రికార్డ్ నమోదు

చిన్నప్పటి నుంచే కళలపై ఉన్న ఆసక్తి ఆమెకు ఎన్నో ప్రపంచ రికార్డులు తీసుకొచ్చింది. తనకు వచ్చిన విద్యను నలుగురికి పంచుతూ, కళలకు ప్రాణం పోస్తున్న ఆమె మరి ఎవరో కాదు అనంతపురానికి చెందిన సంధ్యమూర్తి. ఆమె ఇటీవల నిర్వహించిన సంగీత నృత్య మహోత్సవంతో వండర్ బుక్ ఆఫ్ రికార్డ్​ను సాధించారు.

వండర్ బుక్ ఆఫ్ రికార్డ్ కోసం అనంతపురంలో శ్రీ నృత్య కళా నిలయం ఆధ్వర్యంలో చేపట్టిన సంగీత నృత్య మహోత్సవం ఆహుతులను ఆకట్టుకుంది. అనంతపురం పీటీసీ మైదానంలో 108 మంది నర్తకులు, 108 మంది గాయకులతో సంధ్య మూర్తి ఆధ్వర్యంలో 3 గంటల పాటు నిర్వహించిన నృత్య మహోత్సవం వండర్ బుక్ రికార్డ్​లో నమోదైంది. చిన్నప్పటి నుంచి నృత్యం సంగీతంపై ఉన్న మక్కువతో సంధ్యామూర్తి జిల్లాలో మంచి గుర్తింపు సాధించారు. ఈ విద్యను మరి ఎందరికో నేర్పించి కళలకు ప్రాణం పోశారు. తన జీవిత విశేషాలను, సాధించుకున్న అవార్డులు తన లక్ష్యాలను ఈటీవీ భారత్​తో పంచుకున్నారు.

ఇదీ చదవండి: ఆయన తొక్కు తొక్కారంటే .. భక్తులు పరవశించిపోతారంతే!