కడుపు నొప్పి తాళలేక వివాహిత ఆత్మహత్య

కడుపు నొప్పి భరించలేక ఓ వివాహిత ఆత్మహత్య చేసుకున్న ఘటన అనంతపురం జిల్లా ముతుకురు గ్రామంలో జరిగింది. పోలీసులు కేసు నమోదు చేసి దర్యాప్తు చేస్తున్నారు.

అనంతపురం జిల్లా గుడిబండ మండలం ముతుకూరు గ్రామంలో ఓ వివాహిత ఇంట్లో ఉరి వేసుకొని ఆత్మహత్య చేసుకుంది. శంకరగల్లు గ్రామానికి చెందిన అంకితకు, ముతుకూరు గ్రామానికి చెందిన నరసింహమూర్తితో రెండు నెలల క్రితం వివాహమైంది. అంకిత తరుచూ కడుపునొప్పితో బాధపడుతుండేది.

ఆసుపత్రుల్లో చూపించినా నయం కాలేదు. ఈ క్రమంలో కడుపునొప్పి తాళలేకే ఇంట్లో ఎవరులేని సమయంలో ఉరివేసుకొని ఆత్మహత్య చేసుకుందని తెలుస్తోంది. మృతురాలి తల్లి లక్ష్మీదేవి ఫిర్యాదు మేరకు కేసు నమోదు చేసుకున్నామని పోలీసులు పేర్కొన్నారు.

ఇదీ చదవండి: