పెన్నా నదికి ఎగువ నుంచి వస్తున్న వరదతో.. అనంతపురం జిలాల్లోని(penna river water flow) జలాశయాలు నిండుకుండలా మారాయి. దీంతో నదిపై ఉన్న అన్ని డ్యామ్ల గేట్లూ ఎత్తి, దిగువకు నీటిని విడుదల చేస్తున్నారు. ఫలితంగా.. జిల్లాలోని పెన్నా అహోబిలం రిజర్వాయర్ గేట్లు ఎత్తి, వెయ్యి క్యూసెక్కుల నీటి విడుదల చేశారు.
అహోబిలం రిజర్వాయర్ గేట్లు ఎత్తివేత
మరో రెండు రోజులపాటు వర్షాలు కురుస్తాయన్న వాతావరణశాఖ అధికారుల హెచ్చరికలతో ముందస్తుగా డ్యామ్ గేట్లు ఎత్తినట్లు సిబ్బంది తెలిపారు. ఈ క్రమంలో ఉరవకొండ, కూడేరు తహసీల్దార్లు డ్యామ్ పరిస్థితిని సమీక్షించారు.
ప్రస్తుతం రెండు గేట్లు ఎత్తామని, వరద పెరిగితే మరిన్ని గేట్లు ఎత్తే అవకాశం ఉందని వెల్లడించారు. పెన్నా అహోబిలం డ్యామ్ చరిత్రలో మొట్టమొదటిసారి గేట్లు ఎత్తడంతో సందర్శకుల తాకిడి పెరిగింది. ఫొటోలు తీస్తూ.. సెల్ఫీలు దిగుతూ పర్యాటకులు సందడిగా గడిపారు.
ఇదీచదవండి.
