'ఎస్సీ లబ్దిదారుల జాబితాను రద్దు చేయడం దారుణం'

గత ప్రభుత్వం ఎస్సీ కార్పొరేషన్ కింద రుణ మంజూరు కోసం ఎంపిక చేసిన జాబితాను రద్దు చేయడంపై అనంతపురం కలెక్టరేట్ వద్ద ఎస్సీ సెల్ నాయకులు నిరసన తెలిపారు.

2018-19 సంవత్సరానికి ఎస్సీ కార్పొరేషన్ నుంచి రుణాల కోసం ఎంపికైన అభ్యర్దుల జాబితాను రద్దు చేయడాన్ని నిరసిస్తూ ఎస్సీ సెల్ నాయకులు ఆందోళనకు దిగారు. తెదేపా ఎస్సీ సెల్ రాష్ట్ర అధ్యక్షుడు ఎం.ఎస్.రాజు ఆధ్వర్యంలోఅనంతపురం కలెక్టరేట్ వద్ద నిరసన కార్యక్రమాలు చేపట్టారు. తెదేపా ప్రభుత్వ హాయాంలో ఎస్సీ కార్పొరేషన్ కింద మంజూరైన రుణాలను, లబ్ధిదారులకు అందజేయాలని వారు డిమాండ్ చేశారు. సర్కారు స్పందించకపోతే వచ్చే నెల 11న అమరావతిలోని ఎస్సీ కార్పొరేషన్ కార్యాలయాన్ని ముట్టడిస్తామని ఎస్సీ సెల్ నాయకులు హెచ్చరించారు.

ఇదీ చూడండి: 'రాజధాని తరలిస్తే...ఆమరణ నిరాహార దీక్ష చేస్తాం'