రేషన్​ వేయింగ్​ మిషన్లకు సీల్​ వేసిన అధికారులు

అనంతపురం జిల్లా మడకశిర తహశీల్దార్​ కార్యాలయంలో తూనికలు కొలతల అధికారులు... రేషన్​ డీలర్ల వద్ద గల వేయింగ్​ మిషన్​లను తనిఖీ చేశారు.

అనంతపురం జిల్లా మడకశిర తహశీల్దార్​ కార్యాలయంలో రేషన్​ డీలర్ల వద్ద నున్న వేయింగ్​ మిషన్​లకు అధికారులు సీల్​ వేశారు. ఈ సందర్భంగా రేషన్​ డీలర్లు తమ సమస్యలను పరిష్కరించాలని ఎమ్మార్వోను కోరారు. తమకు ప్రతి నెల కందిపప్పు సరిగా ఇవ్వడం లేదని మొరపెట్టుకున్నారు. స్టాక్ పాయింట్​లో ఆర్వో చూపిన విధంగా తమకు సరుకులు ఇవ్వడం లేదని చెప్పారు. ప్రతి బియ్యపు సంచిలో తూకాలు తక్కువ వస్తున్నాయని డీలర్లు ఆరోపించారు. మడకశిర పట్టణంతో పాటు గ్రామీణ ప్రాంతాలకు కందిపప్పు ఇవ్వాలని డిమాండ్​ చేశారు. స్టాక్ పాయింట్ల వద్ద నుంచి డీలర్లు తమ వస్తువులను అక్కడే సరిచూసుకుని తీసుకురావాలని ఎమ్మార్వో సూచించారు. ఒకవేళ అక్కడే సమస్యలు తలెత్తితే సరుకులను తీసుకోకుండా సమస్యను తమ దృష్టికి తీసుకువస్తే పరిష్కరిస్తామని ఎమ్మార్వో హామీ ఇచ్చారు.

ఇదీ చూడండి: 20 టన్నుల రేషన్ బియ్యం స్వాధీనం