Balakrishna Sorry: దేవబ్రాహ్మణులపై వ్యాఖ్యలకు..నందమూరి బాలకృష్ణ క్షమాపణలు తెలిపారు. దురదృష్టవశాత్తు ఆ సందర్భంలో మాట్లాడానని వివరణ ఇచ్చారు. ఇటీవల ఓ కార్యక్రమంలో బాలకృష్ణ దేవబ్రాహ్మణులుపై అనుచిత వ్యాఖ్యలు చేశారు. దేవబ్రాహ్మణుల నాయకుడు రావణబ్రహ్మ అన్నారు. దీని వల్ల ఆ కులస్తులు అభ్యంతరం వ్యక్తం చేశారు. తనకు అందిన సమాచారం మేరకు స్పందించిన బాలకృష్ణ.. తన వ్యాఖ్యల వల్ల వారి మనోభావాలు దెబ్బతిన్నాయని తెలిసి బాధపడ్డానని అన్నారు. తాను ఎవరినీ బాధపెట్టే వ్యక్తిని కాదని.. అర్థం చేసుకుని..తన పొరపాటును మన్నిస్తారని ఆశిస్తున్నట్లు బాలకృష్ణ ఓ ప్రకటనలో పేర్కొన్నారు.
ఇవీ చదవండి:
