విద్యారంగ అభివృద్ధే ప్రభుత్వ లక్ష్యం: మంత్రి శంకరనారాయణ

అనంతపురం జిల్లా టేకులోడు గురుకుల పాఠశాలను మంత్రి శంకరనారాయణ సందర్శించారు. పాఠశాలలో సదుపాయాలపై ఆరా తీసిన మంత్రి.. విద్యార్థులతో ముచ్చటించారు. విద్యారంగ అభివృద్ధికి ప్రభుత్వం చేపడుతున్న కార్యక్రమాలను మంత్రి వివరించారు.

అనంతపురం జిల్లా చిలమత్తూరు మండలం టేకులోడు గురుకుల పాఠశాలను బీసీ సంక్షేమ శాఖ మంత్రి శంకరనారాయణ సందర్శించారు. కొన్ని రోజులుగా ప్రభుత్వ వసతి గృహాలు, సంక్షేమశాఖ కార్యాలయాలను మంత్రి పరిశీలిస్తున్నారు. పాఠశాల సదుపాయాలపై ఆరా తీస్తున్నారు. ఈ దిశగా టేకులోడు గురుకుల పాఠశాలను పరిశీలించి ఆయన అక్కడి సౌకర్యాలపై ఆరా తీశారు. పాఠశాలలో నూతనంగా ఏర్పాటుచేసిన సైన్స్ ల్యాబ్ , తరగతి గదులను ప్రారంభించారు. రాష్ట్ర ప్రభుత్వం విద్యారంగ అభివృద్ధికి పలు కార్యక్రమాలు ప్రవేశపెడుతోందని.. వీటిని విద్యార్థులు సద్వినియోగం చేసుకోవాలని మంత్రి సూచించారు.

ఇదీ చదవండి:

వరద బాధితుల్లో భరోసా కల్పించేందుకు.. చంద్రబాబు పర్యటన