రాత్రి నుంచి కురుస్తున్న వర్షం..పొంగుతున్న వాగులు

అనంతపురం జిల్లా కదిరి నియోజకవర్గంలో రాత్రి నుంచి ఎడతెరపి లేకుండా కురుస్తున్న వర్షానికి వాగులు, వంకలు పొంగుతున్నాయి. వర్షాలతో గుంజూవారిపల్లెలో తలనీలాలు వేడుకలో అపశ్రుతి జరిగింది. వంట గది పైకప్పు కూలిపోయింది.

అనంతపురం జిల్లా కదిరి నియోజకవర్గంలో రాత్రి నుంచి జోరుగా వర్షం కురుస్తోంది. దాంతో తనకల్లు, నంబులపూలకుంట మండలాలలో వాగులు, వంకలు పొంగిపొర్లుతున్నాయి. నంబులపూలకుంట మండలంలో మోస్తరు వర్షం కురుస్తోంది. కదిరి-రాయచోటి ప్రధాన రహదారిపై నీటి ఉద్ధృతి కారణంగా రాకపోకలకు కొంతసేపు అంతరాయం కలిగింది.

వర్షం వల్ల తనకల్లు మండలం గుంజువారి పల్లె ఎస్సీ కాలనీలో బాలుడి తలనీలాలు వేడుక నిర్వహణలో భాగంగా వంటలు చేస్తున్న గది పైకప్పు కూలిపోయింది. గదిలో ఎవరూ లేనందున పెనుప్రమాదం తప్పింది. వంటపాత్రలు దెబ్బతిన్నాయి.

ఇదీ చదవండి: MISSING: యువకుడు అదృశ్యం..ఆత్యహత్య చేసుకుంటానని సెల్ఫీ..