అనంతపురం జిల్లా కూడేరు విద్యుత్ సబ్ స్టేషన్ వద్ద ఆ మండలానికి చెందిన రైతులు ఆందోళన చేపట్టారు. గత కొంత కాలంగా కరెంట్ సరఫరాలో.. లోపం, లోవోల్టేజీ కారణంగా మోటర్లు చెడిపోతున్నాయని, ఫలితంగా పంటలు ఎండిపోతున్నాయని అన్నదాతలు వాపోయారు. ఎన్నోసార్లు ఈ సమస్యను అధికారుల దృష్టికి తీసుకెళ్లినా ప్రయోజనం లేకపోవడంతో.. వామపక్షాల ఆధ్వర్యంలో రైతులు సబ్ స్టేషన్ ముట్టడికి యత్నించారు. అక్కడ ఉద్రిక్తత చోటుచేసుకుంది.
ఓ రైతు కరెంట్ స్తంభం ఎక్కడానికి ప్రయత్నించగా తోటి రైతులు, పోలీసులు కిందకు దింపారు. అధికారులు వెంటనే స్పందించి తమ సమస్యలు పరిష్కారించాలని కూడేరు మండలానికి ఇంకొక సబ్-స్టేషన్ ఏర్పాటు చేయాలని వారు డిమాండ్ చేశారు. రెండు గంటల అనంతరం అధికారులు అక్కడికి చేరుకొని సమస్యను ఉన్నత అధికారుల దృష్టికి తీసుకెళ్లి పరిష్కరిస్తామని హామీ ఇవ్వడంతో రైతులు ధర్నాను విరమించారు.
ఇదీ చదవండి: మరో 10,199 పాజిటివ్ కేసులు.. కోలుకున్న 9,499 మంది
