ఆంధ్ర, కర్ణాటక రాష్ట్రాల్లో పేరు మోసిన నకిలీ సర్టిఫికెట్ల తయారీదారుడు, విక్రేత గ్లెన్బ్రిగ్స్ను అనంతపురం జిల్లా పామిడి రూరల్ పోలీసులు అరెస్టు చేశారు. గుంతకల్లు పట్టణానికి చెందిన అతను జిల్లా నుంచి జాతీయ స్థాయి వరకు ఎలాంటి విద్యా సంస్థకు సంబంధించిన సర్టిఫికెట్నైనా తయారు చేయడంలో సిద్ధహస్తుడు. కోర్సు డిమాండ్ను బట్టి 5 వేల నుంచి 25 వేల వరకు వసూలు చేస్తాడు. తన అక్రమ వ్యాపారాన్ని విస్తరించడమే కాకుండా ఒక వాహనానికి పోలీస్ స్టిక్కర్, సైరన్ వేసుకుని తిరిగేవాడు. ఫ్యాక్షన్ హత్యలతో సంబంధం ఉన్న మరో నలుగురని ఇటీవల కలుపుకున్నాడు. గుంతకల్లు కేంద్రంగా సాగుతున్న వీరి వ్యవహారంపై పోలీసుల నిఘా ఎక్కువ కావటంతో తిరుపతికి మకాం మర్చారు. కొన్ని రోజుల తర్వాత గుంతకల్లుకు తిరిగి వస్తున్న క్రమంలో... పోలీసులు పక్కా సమాచారంతో వీరిని అరెస్టు చేశారు. పామిడి, పెద్ద వడగూరు పోలీసులు బృందంగా ఏర్పడి ముఠాను పట్టుకున్నారు.
గ్లెన్బ్రిగ్స్తో పాటు అప్పేచెర్ల ఫ్యాక్షన్ కేసులోని ప్రధాన నిందితుడు కాచగార్ల వేంకటేశ్ నాయుడు, ఐదుగురు నిందితులను పోలీసులు అదుపులోకి తీసుకున్నారు. వీరి వద్ద 699 గ్రాముల బంగారం, పోలీస్ నేమ్ బోర్డుతో కూడిన ఇన్నోవా కారు, లక్షా 10 వేల నగదు, 11 మొబైల్ ఫోన్లు, 70 నకిలీ సర్టిఫికెట్లు, 100 పాస్ పోర్టు సైజు ఫోటోలు, కంప్యూటర్ను పోలీసులు స్వాధీనం చేసుకున్నారు. ఎంత మంది నకిలీ సర్టిఫికెట్ల ద్వారా లబ్ధి పొందారన్న దానిపై విచారణ చేపడతామని అనంతపురం జిల్లా ఎస్పీ సత్య ఏసుబాబు తెలిపారు.
