ఇటీవల ఓ యువతిని తుంగభద్ర కాలువలోకి తోసేసిన ఘటనలో రఘు అనే యువకుడిపై కేసు నమోదు చేశారు. అనంతపురం జిల్లా కళ్యాణదుర్గంలో జరిగిన ఈ కేసును డీఎస్పీ శ్రీనివాస్ వివరించారు. ఇందులో హత్యకు గురైన యువతిని సామూహిక అత్యాచారం చేశారని బంధువులు, ప్రజా సంఘాలు ఆరోపించాయి. దీంతో కేసును లోతుగా దర్యాప్తు చేసి సీన్ రీకన్స్ట్రక్షన్ చేసినట్లు డీఎస్పీ శ్రీనివాస్ తెలిపారు. అన్ని కోణాల్లో విచారించిన అనంతరం రఘు ఒక్కడే హత్యలో పాల్గొన్నట్లు స్పష్టమైందని ఆయన వెల్లడించారు. రఘు పెళ్లికి ఆ యువతి అడ్డు వస్తుందన్న కారణంతోనే హత్య చేసినట్లు పోలీసులు తెలిపారు. ప్రజాసంఘాలు ప్రతిపక్షాల డిమాండ్ మేరకు... ఈ కేసును మరింత లోతుగా విచారిస్తామని పోలీస్ అధికారులు స్పష్టం చేశారు
ఇదీ చదవండీ...మహిళను కొట్టారని ఎమ్మార్పల్లి ఎస్సైపై ఆరోపణలు..వీఆర్కు పంపిస్తూ ఆదేశాలు
