"పూజారులకు ప్రత్యేక కార్పొరేషన్ నెలకొల్పాలి"

పూజారులకు ప్రత్యేక కార్పొరేషన్ ఏర్పాటు చేయాలని బ్రాహ్మణేతర పూజారులు డిమాండ్ చేశారు. అనంతపురం జిల్లా కదిరిలో బ్రాహ్మణేతర పూజారుల సమావేశం నిర్వహించారు.

గ్రామీణ ప్రాంతాల్లోని పొలిమేర గంగమ్మ, గ్రామ దేవతలు, ఇతర గుళ్లలో దీపదూప నైవేథ్యాలు చేస్తున్న బ్రాహ్మణేతర పూజారుల సంక్షేమానికి ప్రభుత్వం ప్రత్యేక కార్పొరేషన్ ఏర్పాటు చేయాలని ఆ సంఘం నాయకులు కోరారు. మన సంస్కృతి , సంప్రదాయాన్ని భవిష్యత్తు తరాలకు అందిస్తున్న వారిపై నిర్లక్ష్యం తగదన్నారు. ఆధ్యాత్మిక చింతనతోపాటు, సామాజిక అంశాల్లోనూ ప్రజలకు అవగాహన కల్పిస్తున్న బ్రాహ్మణేతరులను ప్రభుత్వం ఆదుకోవాలని విజ్ఞప్తి చేశారు. సమావేశంలో భాగంగా దంత వైద్య శిబిరం ఏర్పాటు చేశారు.

ఇదీ చదవండి:"తెలంగాణలో ఉన్న సాహితీ చైతన్యం నవ్యాంధ్రలో లేదు"