అనంతపురం జిల్లా కదిరిలో ప్యాసింజర్ రైలులో బాంబు వార్త కలకలం రేపింది. గుంతకల్లు రైల్వే రక్షణ విభాగానికి అందిన సమాచారం మేరకు తిరుపతి గుంతకల్లు ప్యాసింజర్ రైలును కదిరి రైల్వే స్టేషన్లో అధికారులు ఆపేశారు. రైలులోని మూడో కోచ్లో బాంబు ఉందంటూ గుర్తుతెలియని వ్యక్తులు రైల్వే అధికారులకు సమాచారం ఇచ్చారు. అప్రమత్తమైన కదిరి రైల్వే రక్షణ సిబ్బంది, గుంతకల్లు అధికారులకు తెలిపారు. ఉన్నతాధికారుల సూచన మేరకు కదిరి రైల్వే స్టేషన్లో ప్రయాణికులను కిందకు దింపేశారు. స్థానిక పోలీసుల సహాయంతో రైలును క్షుణ్ణంగా పరిశీలించగా... బాంబు లేదని నిర్ధరించారు. అనంతరం రైలును పంపివేశారు.
ప్యాసింజర్ రైలులో బాంబు కలకలం..
