తనిఖీలకు వెళ్లిన ఉన్నతాధికారి.. కనిపించని సిబ్బంది!

అనంతపురం జిల్లా మండల కేంద్రంలోని బీసీ వసతి గృహ సిబ్బందిపై.. ఆ శాఖ ఉన్నతాధికారి ఆగ్రహం వ్యక్తం చేశారు. ఆయన ఆకస్మిక తనీఖీ చేయగా.. సిబ్బంది ఎవరూ అందుబాటులో లేరక్కడ. అంతేగాక రికార్డుల ప్రకారం గృహంలో 120 మంది విద్యార్థులుండగా... 17 మంది మాత్రమే గృహంలో ఉన్నారు.

అనంతపురం జిల్లా తలుపుల బీసీ సంక్షేమ శాఖ వసతి గృహ సిబ్బంది నిర్లక్ష్యం తనిఖీల్లో బయటపడింది. ఆ శాఖ అధికారి యుగంధర్ వసతి గృహాన్నిఆకస్మికంగా తనిఖీ చేశారు. రికార్డుల ప్రకారం వసతి గృహంలో 120మంది విద్యార్థులుండగా ... కేవలం17 మంది విద్యార్థులు మాత్రమే గృహానికి వచ్చారు. సిబ్బంది సైతం అందుబాటులో లేరు. అంతేగాక.. రికార్డులు ఉన్న గదికి తాళం వేశారు. ఈ వ్యవహారంపై పూర్తిస్థాయిలో విచారణ జరిపి తగు చర్యలు తీసుకుంటామని అధికారి తెలిపారు.

ఇదీ చూడండి: