అనంతపురం జిల్లా ఉరవకొండలో వ్యవసాయ శాఖ అదనపు సంచాలకులు విజయలక్ష్మి పర్యటించారు. రాష్ట్ర ప్రభుత్వం ఏర్పాటు చేయబోతున్న వైఎస్సార్ అగ్రీ ల్యాబ్ల కోసం అనువైన స్థలం, గోదాములను పరిశీలించారు. ప్రయోగశాలకు కావలసిన సదుపాయాలపై స్థానిక వ్యవసాయ అధికారులతో చర్చించారు. అనంతపురం జిల్లా వ్యాప్తంగా నియోజకవర్గానికి ఒకటి చొప్పున మొత్తం 14 అగ్రి ల్యాబ్లను మంజూరయ్యాయని విజయలక్ష్మి తెలిపారు. ఎరువులు, విత్తనాలు వాటి నాణ్యతను ఈ ప్రయోగశాలలలో పరిశీలిస్తారని పేర్కొన్నారు. కల్తీ పురుగుల మందులు, నాసిరకం విత్తనాలతో రైతులు నష్టపోకుండా ఉండేందుకే వీటిని అందుబాటులోకి తెస్తున్నట్టు చెప్పారు. వచ్చే ఏడాది ఈ ప్రయోగశాలలు పూర్తి స్థాయిలో కార్యకలాపాలు నిర్వహిస్తాయన్నారు. ఇప్పటికే జిల్లాలోని 5 నియోజకవర్గాల్లో స్థలం, గోదాములను పరిశీలించామని వెల్లడించారు.
ఇదీ చదవండి : 100 కిలోల నకిలీ విత్తనాలు పట్టివేత
